background background

déi jonk gréng

Keng Pensiounsreform op Käschte vun deene Jonken

Als Jugendparteien hu mir eis am Kader vun der Debatt iwwert eng méiglech Pensiounsreform zesummegedoen. Mir wëllen deene Jonken eng staark Stëmm ginn an eis dofir asetzen, dass eng zukünfteg Reform net nëmme finanziell nohalteg mee och generatiounegerecht soll sinn.

Als Jugendorganisatiounen ass et fir eis ganz kloer: Mir stinn zu engem staarken, nohaltegen an eenheetlechen ëffentleche System, deen et deenen erlaabt, déi haut schaffen, muer an Dignitéit hir Pensioun ze genéissen. Mir wëlle vermeiden, dass eng méiglech Reform laanscht déi Jonk proposéiert gëtt, déi d’Pensioune vun haut mat hire Cotisatioune finanzéieren.

Mir sinn der Meenung: bei engem gesellschaftlechen Effort ass jidderee gefuerdert. Egal op Jonk oder Al, egal op Salarié oder Beamten.Jidderee soll oppen a kompromëssbereet an des Diskussioun eragoen an all Generatioun soll een Effort maachen.

Dofir hu mir eis zesummen ob 5 Prinzippie gëeenegt fir déi mir, als Jugendorganisatiounen, gemeinsam an dëser Debatt wäerten am Interessi vun der Zukunft vun deene Jonken astoen.

Dës Reform muss generatiounegerecht ginn.

Metty Steinmetz CSJ, Tammy Huberty déi Jonk Gréng, Max Molitor Jonk Sozialisten, Andrés Marques Jonk Lénk, Lou Linster Jonk Demokraten

Pressecommuniqué als PDF